गुरुदेव श्री श्री रविशंकर " माझे ध्येय – तणावमुक्त, हिंसामुक्त विश्व आहे. "

आपण गांधीजींच्या कडून काय शिकू शकतो हे पाहण्याची गांधी जयंती एक संधी आहे. प्रत्येक व्यक्तीचे जीवन आपण काय काय करावं आणि काय करू नये याची सतत शिकवण देत असते. त्याग-भाव, सर्वांचा स्वीकार, सत्संग यावर अतूट श्रद्धा, देशाच्या प्रगतीसाठी सतत झटत राहण्याचे लक्ष्य आणि समाज कल्याण यासारखे गांधीजींचे आदर्श आपल्या कित्येक पिढ्यांसाठी प्रेरणादाई आहेत. परंतु त्यांच्या जीवनात काही असे पैलू देखील होते जे आपण काय करू नये याची शिकवण देतात.

महात्मा गांधींचा आमच्या परिवारावर आणि माझ्या बालपणावर गहिरा प्रभाव होता. माझे आजोबा (वडिलांचे वडील) साबरमती आश्रमात वास्तव्यास होते आणि त्यांनी गांधीजींची वीस वर्षे सेवा केली. माझी आजी आपल्या मुलांना घेऊन माहेरी गेली आणि स्वेच्छेने आपले साडे दहा किलो सोन्याचे सारे दागिने आजोबांना देत म्हणाली, “मी मुलांची काळजी घेईन. तुम्ही जा आणि देशाची सेवा करा.”